Parisimi eqqissiviilliortoqarmat 133-t aqqunartiterput 412-illu politiinit tigusarineqarlutik

Frankrigip præsidentia ministerit pingaarnerit ataatsimeeqatigai, sukannersumillu aqutsisoqalernissaa eqqarsaatersuutigineqarluni.

Frankrigip præsidentia Emmanuel Macron, nunat aningaasarsiorfiusut annerit 20-t, tassa G20-t Argentinami ataatsimeersuarnerannit Frankrigimut uterami ingerlaannaq Parisip qiterpasissuanukarpoq.

Tamaani ippassaq unnukkut eqqissiviilliortoqangaatsiarpoq.

Inuit 133-t aqqunartitersimasut nutaarsiassaqartitsiviup AP-p allaaseraa, allallu 412-it politiinit tigusarineqarsimasut. Poliit 23-t aqqunartitersimasunut ilaapput.

Biilerpassuit ikuallatsinneqarsimapput, Parisillu ilisarnaataasa ilaat Triumfbuen graffitimik qalipanneqarsimalluni.

AAMMA ATUARUK Parisip qiterpasissuani akerliussutsimik takutitsisut politiillu aporaapput

Akitsuutit qaffakkaluttuinnartut, inuuniutillu akitsoraluttuinnarnerat inuit ilaatigut akerliuffigaat, eqqissiviilliornerillu imaaginnavillutik.

Biilit ikuallatsinneqarput, igalaat aserorterneqarlutik, pisiniarfiiit ujajaaffigineqarlutik, politiillu ujaqqanik milloorfigineqarlutik. Politiit tamanna pillugu gassimik qulliliornartumik atuipput, imermillu tissaluttaatit aamma atorlugit.

Macronip ministeriuneq, nunamullu namminermut ministeri ullumi ullup ingerlanerani ataatsimeeqatigissavai, ajornartorsiutit qanoq isillutik aaqqiivigineqarsinnaanersut eqqartorneqassallutik.

Immikkut ittumik sukannersumillu aqutsisoqalissanersoq eqqarsaatersuutigineqartoq, Frankrigimi naalakkersuisut oqaaseqartitaata nutaarsiassaqartitsivimmut Reutersimut oqaatigaa.

    /ritzau/
 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat