Paraguayimi "Piitsut Biskoppiat" præsidentinngorpoq
Qinersisut affaasa kisinneqareerneranni, Coloradopartiip præsidentimut qinigassanngortitaata Blanca Ovelarip, ajorsarnini nassuerutigaa.
Taamaalilluni Paraguayimi oqaluttuarisaanermi pingaarutilimmik pissaanermik allannguisoqartussanngorpoq. Paraguay nunarujussuit Basiliap, Argentinap Boliviallu akornanni inissisimavoq. Præsidentimut qinigaasoq Fernando Lugo, biskopiugallarami ateruseqartinneqarpoq Piitsut Biskopiat, tassami piitsut pisinnaatitaaffii piitsuussutsillu akiorneqarnissaa ilungersuutigiuartuumagit. Taamaattorli katuullit qullersaqarfiata Vatikanip Lugo biskopiujunnaarsippaa naalakkersuinikkut anguniagaqarnera pissutigalugu, taassumami Venezuelami, Boliviami Acuadorimilu saamerliuniat sunnertisimaffigimmagit.
- Ullumikkut nunamik allaanerusumik pilersitsisinnaanngorpugut. Paraguay peqquserluttuliornerit piitsuussuserlu pillugit tusaamaneqarunnaarluni peqqusersuissuseq pillugu tusaamaneqalissaaq, Lugo ajugaareerluni taama oqarpoq.