Pappialanik nunatsinni nammineq 2008-mi aningaasaateqalissaagut

Danskit aningaasaataat nunatsinni atorunnaarlugit, nunarput nammineq pappialanik aningaasaateqalissaaq. Aningaasat ullumikkutut koruuniussapput, nunatsinneersunilli assiliartalersugaassapput kalaallisullu allannertaqassallutik. Namminersornerullutik Oqartussat Naalagaaffiullu Aningaaserivissuanit tamanna aalajangerneqarsimavoq.

Naalagaaffiup Aningaaserivissuanit oqaatigineqarpoq aningaasat 2008-mi piareerumaartut. Tassa ukiut marluinnaat qaangiuppata aningaasivigut nunatta nammineq aningaasaataannik immersinnaalissavagut.

Aningaasat sunik assiliartaqassanersut suli aalajangerneqanngilaq. Aningaasalli ullumikkut aningaasat nalingi assigissagaat aajangerneqareerpoq.

Aningaasat pappialat assigiinngitsut tallimaassapput, halvtreds koruuniniit tusind koruuninut.

Nunarput aatsaat nammineq aningaasaateqalinngilaq. 1950-kkunni KGH aningaasanik naqitsisarpoq. Taakku 1968-p tungaanut atorneqarput, kingornalu danskit aningaasaataat atorneqalerput.

Nunarput nammineq aningaasaateqaleruni naalagaaffeqatigiinnerup iluani nunat tamarmik nammineq aningaasaateqalissapput.

Savalimmiormiut ukiut marluk qaangiummata namminneq aningaasaateqalerput.

Aningaasat tamarmik naleqqatigiipput. Koruuni suli koruunimik naleqarpoq.