Papikuujuk silassorissoq tammaraluartoq
Japanimi papikuujuk tammaraluartoq silassorissutsini atorlugu piginnitsiminut uteqqippoq.
Allattoq Louise M. Kleemann
Papikuujuk qasertoq, sapaatit akunneri marluk matuma siorna politiinit nassaarineqarpoq, uumasullu nakorsiartafiliaanneqarluni. Papikuujuk, politiinit nakkutigineqarnermi nalaani oqaaseqarusussimanngitsoq, aterminik najukkamilu adressianik uumasut nakorsaannut oqaluttuarpoq.
Adressi papikuujuup oqaatigisaa politiinit misissorneqarmat papikuujuup piginnitai nassaarineqarput. Taakku oqaluttuarput papikuujuutertik sapaatip akunneri marluk matuma siorna igalaakkut tingisimasoq.
Papikuujuk ”Yosuke Nakamura”-mik ateqartoq, massakkut piginnitsiminut uteqqereerpoq.