Panini atornerlugaasimasoq ikiorniarlugu iliuuseqartoq
Reginap pania 14-inik ukioqartoq, ilaqutariinni katerisimaartoqarnerani Reginap ningaavata kinguaassiutitigut atornerluppaa. Reginap imigassamik suli atornerluisuunerata nalaani tamanna pivoq.
Ukiup ataatsip missaa qaangiummat panimmi kommunimit ikiorneqarnera naammaginagu Regina uinilu angajoqqaatut iliuuseqartariaqarsimapput.
-Taamaaliorsimanngikkaluaruma meeqqakka isumakillisimaarnerata nalaani misigissuseqarfiginagulusooq immaqa sumiginnartaassagaluarparput, Regina KNR-imut oqaluttuarpoq.
Reginap panimi kinguaassiutimigut atornerlunneqarnerata kingorna uinilu imigassamik atornerluisuunerminnut katsorsarneqartariaqarlutik aalajangerput.
- Qujasaqaanga ulloq manna tikillugu katsorsarsimagama. Taava angajoqqaatut takunnissinnaanerput ikiorsiinagasuarnissarput uagutsinnut ilaqutariit oqinninngornikuuvoq.
Anaanaasoq panini pisunik kingunerluuteqarluni imminut toqunnissaminik eqqarsaateqartuartoq pillugu ernumajuarpoq.
Louise ullumikkut 19-inik ukioqarpoq. Angajoqqaavisalu tapersersuilluarnerisigut inuunera ingerlaqqippoq.
- Ullumikkut soorunalimi utersaarfeqartarpoq. Kisianni ulluinnartigut oqaasinnguisarnermisigut assigiinngitsutigut tapersersorniartarparput. Taavalu aamma nammineq suliffeqalernikuunera taanna ingerlariaqqinnikuunera qujamasunnartorujussuuvoq.
Regina kinaassutsiminik isertuusserusuppoq, KNR-imiilli kinaanera ilisimaneqarpoq.