Paneeraq Olsen meeqqanut inuusuttunut ilaqutariinnullu naalakkersuisunngortoq

Naalakkersuisut nutaartaqalerput.

Naleqqamiimmi Paneeraq Olsen naalakkersuisunngorpoq.

Taassuma naalakkersuisunngornissaa Múte B. Egedep Inatsisartut Ukiakkut Ataatsimiinneranni siunnersuutigaa.

Naalakkersuisut siulittaasuata, Múte B. Egedep (IA) meeqqanut, inuussuttunut ilaqutariinnullu naalakkersuisumik Eqaluk Høeghimut qaammatip ataatsip matuma siorna tunuartumut taarsiisussamik naalakkersuisunngortoqassasoq tallimanngormat oqaatigaa.

Eqaluk Høegh uipppakajaarnini pissutigalugu naalakkersuisutut tunuarnikuuvoq. Taannalu Inatsisartunit aamma sulinngiffeqarluni.

Paneeraq Olsen Inatsisartunut qinersinermi 99-init taaguunneqarpoq.

Paneeraq Olsen Ilisimatusarfimmi Cand.Scient. Adm-imi ilinniarsimasuuvoq. Taanna Qeqqata Kommuniani 2009-mit 2019-imut pisortaaneruvoq. Kommunillu katitigaannginneranni Sisimiut Kommuniani 2004-mit 2008-mut aamma pisortaanerusimalluni.

Taanna Hans Enoksenip Naalakkersuisunut 2001-imit 2004-mut siulittaasuunerani aamma allattaanikuuvoq.