Paneeraq Olsen ilaqutariinnik nukittuunngortitserusuppoq: - Suliassaq uummateqarfigisaraara
Kommunip allaffiani pisortaanikuuvoq, naalakkersuisumut arlaleriarluni allattaanikuuvoq taavalu ingerlatsinermik Ilisimatusarfimmi ilinniarsimasuulluni.
Tassalu Naleqqameersoq Paneeraq Olsen naalakkersuinerup silarsuaani misilittagaliuvoq, maannalu sulinikkut misilittakkamini nutaamik taasassaqalerluni.
Taannami meeqqanut, inuusuttunut, ilaqutariinnut ippassaq naalakkersuisunngorpoq.
AAMMA ATUARUK Eqaluk Høegh naalakkersuisutut tunuarpoq
Eqaluk Høegh IA Nalerarlu aprilimi naalakkersuiosoqatigiilermata meeqqanut, inuusuttunut, ilaqutariinnut naalakkersuisooqqaartuuvoq.
Qaamatialuilli qaangiummata uippakajaarnermik nappaateqarluni sulinngiffealerpoq, aggustimilu naalakkersuisuujunnaavilluni.
IA-mi parteqataata Mimi Karlsenip tassani suliat qaammammi ataatsimi paarivai, Paneeraq Olsenili tassani maanna naalakkersuisuulerpoq.
Kommuninik suleqatiginninneq
IA-mi parteqataata Mimi Karlsenip tassani suliat qaammammi ataatsimi paarivai, Paneeraq Olsenili tassani maanna naalakkersuisuulerpoq.
Tassuma suliat aallartisariikkat killiffissioqqaarniarpai:
- Suliassat suuppat? Sumut killippat? Sumiuna qanoq iliuuseqartoqartariaqartoq?
Aamma naalakkersuisoqarfimmini sulisut tamaasa ilassiniarpai,
suliassaqarfiillu akimorlugit suleqatigiinnissaq taassuma pingaarteqaa.
Naalakkersuisutut sulinermini marluk ukkatariniarpai; avatangiisiinik suleqatiginninneq angajoqqaallu:
AAMMA ATUARUK Eqaluk Høegh naalakkersuisutut tunuarpoq
- Qanimut suleqatiginissaat pingartittorujussuuara, ingammik kommunit. Taakkuupput ilaa, innuttassunik ulluinnarni sullisseqqissaartut. taavalu aamma meeqqat illersuisuat aamma innarluutillit illersuuisuat, naalakkersuisunngorlaaq oqarpoq nangillunilu:
- Angajoqqaat annertusisamik sammerusuppakka. Angajoqqaat meqaminnik perorsaasussasuugamik, taavalu imaassinaagami perorsaanerminni sakkussaminnik amigaateqartut sanngiiffeqartut. taavalu nammineq immaqa arlaatigut ikiortariaqartut.
naalakkersuisuni nikinnernut allanut ilaasoq
Taassuma naalakekrsuisunngornerata saniatigut naalakkersuisoqarfinni nutaamik agguarneqarput.
Tassa sapaatit akunneranii kingullermi akerlereereernermi, naalakkesuisut siulitaasuata Múte Bourup Egedep nunanut allanut tunngasunut naalakkersuisuuffik Pele Brobergimit tiogummagu.
Tamakkua tamarmik Pele Broberg Berlingskemit apersorneqarmat aallartipput. Qaqugu namminiilivinnisaaq pillugu taasiumaaarunnarutta naggueqatigiinnit inunnit kingoqqisut kisimik taasisinnaassasut, naakkersuisoq tassani oqarpoq.
Múte B. Egede taamaanngineraalertorpoq, Pele Brobergillu oqaasii Naalakkersuisut politikkiannik ersersitsisuunginnerarlugit.
Naalakkersuisut ikorfartortaasa Atassutip Pele broberg tatigiunnaarpaat Nalakkersuisullu nikinnissaat piumasaralugu. Múte Bourup Egedelu Naalakkersuisuni ippassat allannguivoq.