Assi: Youtube/screendump

Pandaaqqat Canadap Kinallu attaveqarnerannik qaninnerulersitsisut

Canadap Kinallu attaveqalernerisa ukiunik 45-nngortorsiornera nalerorlugu, Torontomi uumasuusivissuarmi pandat marlunnik piarartaarsimapput.

Pandaaqqallu Canadami nalliuttorsiorpaluttumik marlunngormat atserneqarput. Premierminister Justin Trudeau naapertorlugu, pandaaqqat Canadap Kinallu qanittumik attaveqarnerannut ilisarnaatissaapput. Nittartagaq dr.dk taama allaaserisaqarpoq.

Pandat, arnaviaq angutiviarlu, Kinamit Canadamut 1970-imi atukkiunneqarput, Justin Trudeauillu angutaa, preministeriusimasoq Pierre Trudeau, nunani killerni nunat siuttuisa folkerepublikkimik Kinamik akuersisut siulliit ilagivaat.

- Nunatta attaveqalernerisa ukiunik 45-nngortorsiornera nalerorlugu pandaaqqat pinngornerat nuannerluinnartuulluni iluatsitsinertut taaneqarsinnaavoq, Justin Trudeau ataasinngormat nalliuttorsiortoqarnera, aamma Kinap Canadami aallartitaata peqataaffigisaani, taama oqarpoq.

Pandat Torontop Uumasuusivissuani piarartaarput, pandaaqqallu qaammatini siullerni tallimani matoqqasumiitinneqaqqaarsimapput.

 

Pandaaqqat videoliarineqanerat takuuk:

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat