Pan-American Gamesimi Inuit takutitseqataapput

Timersortartut unammiuaarnerat Pan-American Gamesimik taaguuteqartoq Canadami Torontomi sapaatip akunnerani uani aallartitttumi naggueqatigiit inuit eqqumiitsuliortui nipilersortartui aamma inuit kulturiannik takutitsisut arlaqartut peqataassapput.

Timersortartut 6.000-inik sinneqartut timersornikkut unammiuaarneranni Pan-American Gamesimi pissartanngorniunnerit ukiormanna 17-issaa ingerlanneqassaaq, tassani nunani amerikap avanaani, qiterlermi amerika kujallermillu timersortartut nalaagaaffinnit assigiinngitsunit 41-nit pisut pissartanngorniutissapput.

Pan-American Gamesimi unamminerit juulip ulluisa qulingannit 26-ata tungaanut ingerlanneqassapput.

Timersornikkut unammiuaarnermi ukioq manna pisussami, nunap inoqqaavisa kulturiannik saqqummersitsivimmik pilersitsisoqarpoq, nunap inoqqaavisa nunaqarfiannik taallugu.

Nunaqarfittut taasami illut sisamat Canadami nunap inoqqaavisa assigiinngitsut illui saqqummersinneqarput. Canadami naggueqatigiit inuit, metisit aamma indianerit 200-nik sinneqartut nipilersorlutik erinarsorlutillu tusarnaartitsissapput.

Naggueqatigiit inuit eqqumiitsuliortuini erinarsortartoq tusaamasaq Nelson Tagoona nipilersoqatigiinni Baker Lakemi erinarsortartoq, immikkut ittumik torlorsortariaatsiminik tusarnaartitsisssaaq.

Inuvialunneersut nunaqarfimmit Tuktoyaktuk-neersut tumerparpaarnermik qitinnermillu aliikkusersuisartut Siglit, unammiuaartuni aamma aliikkusersuisunut ilaassapput.

Johnny Issaluk Iqalunneersoq naggueqatigiit inuit timersuutaannik takutsisillunilu ilitsersuisarniarpoq.

Naggueqatigiit inuit nerisassataannik aamma sassaallertoqassaaq kiisalu inuit eqqumiitsuliaannik saqqummersitsisoqassalluni. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat