Palæstinami perulluliortut eqimattat arlariit eqqisseqatigiinnissamik isumaqatigiissuteqarput, tamannalu pivoq, innuttaasut sapaatip-akunnerata kingulliup naanerani sorsuutinngersaaleraluarmata, præsidentip allaffianut allaat qaartartumeerisalerlutik.
Sakkulersorlutik akiuuttut suleqatigiiffii Hamas aamma Fatah pissutsit ajorseriannginnissaannik isumaqatigiissuteqarput. Suleqatigiiffiit ataatsimiititaliaanni siuttoq Ibrahim Abu Najja Frankrigimi nutaarsiassaqartitsivimmut AFP-mut tamanna pillugu nalunaaruteqartuuvoq, nalunaarullu tamanna Hamasimit aamma uppernarsarneqarpoq.
Sapaatiummat eqqissiviilliortitsinerit kingunerisaannik marluk inuartarineqarput, allallu ikinnerpaamik 20-t aqqunarlutik.
Præsident Mahmoud Abbasip præsidentimut parlamentimullu qinersisoqarnissaanik suaaruteqarniarluni oqaaseqarnera Hamasip Fatah-llu aporaassutigileraluarpaat.