Libanon-i ikiorserniarlugu, ulluni kingullerni ikiuiniaqataasussat ataatsimeersuarneranni, aningaasanik katersilluartoqaraluartoq, Palæstinap ikiorserneqarnissaa pineqalermat, erliguussisoqalerpoq.
Ikiuiniaqatigiiffiit ataatsimeersuarnerat Stockholmimi ingerlanneqarpoq, tassanilu aalajangerneqarpoq Palæstinap ikiorsernissaanut aningaasat 3 milliardit missaanniittut ikiorsiissutigineqassasut. Ikiorsiissutitut atorneqartussat, Gaza-p nalaani namminersulernissamik suliniartunut ikiorsiissutaassapput.
Aningaasanik aqutsisuussapput, FN, Røde Korsi ikuiniaqatigiiffiillu allat.