Paludanip iliuuserisaa svenskit naalakkersuisuisa assuareqaat.Assi: Fredrik Sandberg/TT/Ritzau Scanpix

Paludanip koraanimik ikuallatsitsinera USA-p uumitsaatigigaa

Inuit allat illernartuutitut atuagaataannik ikuallatsitsineq innimiilliornerujussuusoq, USA-p naalakkersuisuisui oqarput.

Danskisut svenskisullu innutaassuseqartup, Rasmus Paludanip, musliimit illernartuutitut atuagaataannik koraanimik Tyrkiamiut Stockholmimi aallartitaqarfiata saavani ikuallatitsinera, amerikamiut nunanut allanut tungasunut ministereqarfiannit ataasinngornermi unnukkut qisuariarfigineqarpoq.

Inuppassuit atuakkamik illernartuutitaannik ikuallatsitsineq amerikamiut nunanut allanut tunngasunut ministereqarfiata  innimiilliornerujussuartut taagaa, nutaarsiassaqartitsivik Reuters allappoq.

AAMMA ATUARUK Erdogan: Tyrkiami maajip 14-ianni qinersisoqassaaq

Koraanimik Stockholmimi ikuallatsitsisoqarnerata kingorna Sverigep NATO-mut ilaasortanngornissamut Tyrkiamit tapersersorneqarnissani naatsorsuutigissanngikkaa, Tyrkiap præsidentia Recep Tayyip Erdogan ippassaq ataasinnngornermi oqarpoq.

Paludanip iliuuserisaa svenskit naalakkersuisuisa assuareqaat.

Sverige Finlandilu NATO-mut ilaasortanngoriaannaasut, amerikamiut nunanut allanut tunngasunut ministereqarfiata oqaaseqartitaa Ned Price oqarpoq.

Illersoqatigiinnut NATO-mut ilaasortanngorniaraani ilaasortat tamarmik akuersissuteqarnissaat piumasaqaataavoq.

Tyrkia NATO-mi ilaasortaavoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl