Palle Christiansen: Urani aningaasarsiorfiulluarsinnaavoq
Kalaallit Nunaanni uranisiortoqassanersoq, uranilu nioqqutaasalissanersoq, kingumut oqallisaalerpoq. Inatsisartunut ilaasortaq, Palle Christiansen, Demokraatineersoq, maanna nalunaarpoq Kalaallit Nunaanni uranisiortoqarnissaa tapersersorini.
Allattoq Louise M. Kleemann
juunip 23-at 2008 07:02
Palle Christiansen nittartakkamini allappoq, uranisiornissaq eqqarsaatigalugu tapersersuisoqanngippallaartoq, namminermi isumaqarami atomip nukinga atorlugu nukissiorfeqarnissaq isumannaatsuullunilu avatangiisinut ajoqusiinnginnissaa qularnaatsuusoq.
-Silap pissusaata allanngoriartornerata, gassillu silaannarmik kissakkiartortitsisartut, kingunerisai maluginiaraanni, takuneqarsinnaassaaq ikikkaaneq isumannaannerpaasoq, Palle Christiansen oqarpoq.
Palle Christiansen isumaqarpoq. Kalaallit Nunaanni uranisiortoqannginnissaa Kalaallit Nunaata akissaqartinngikkaa, namminermi isumaqarami urani aningaasarsiorfiulluarsinnaasoq.
