Palle Christiansen: Naalakkersuisut nunaqarfinnik matooraanianngillat

Palle Christiansen isumaqarpoq, danskit aviisiannut Informationimut oqaatsini allangortinneqarsimasut.

Ilanngulluguli oqatigaa, nunaqarfimmiunik pinngitsaaliilluni nuutsitsisoqannginnissaanik oqaatsini ilumoortumik issuarneqartut.

Aamma erseqqissarpaa, Nunatsinni najugaqariaaseq qineqqusaarnermi apeqqusersimagamiuk. Taamani ilaatigut allappoq, Nunatsinni imminut nappassinnaasumik ingerlatsinissaq anguniarlugu nunaqarfiit 100-nik ikinnerusunik inoqartut matuneqarsinnaasut.

- Kisainni tassanngaanniit, politikkeritut ataatsitut isummat qinersinerup siorna annitakka Nalakkersuisut tamarmik isumaattut oqaatigissallugit naapertuuttuunngilaq, Palle Christiansen allappoq.

Nangilluni allappoq, Naalakkersuisut qangali nalunaareertut, Nunap imikkoortui pillugit suliniuteqarlutik, takusinnaalerumallugu, nunap immikkortuini qanoq ineriartortitsisoqarsinnaanersoq.

- Pissutisit assigiinngitsorpassuit misissorneqassapput, soorlu najugaqariaaseq inuussutissarsiutitigullu ineriartortitsiffissat.

Taakkkua tunngavigalugit piviusorsiortumik tunngavissaqalissaagut, Palle Christiansen, allappoq.