Palle Christiansen: Aningaasaqarnikkut politikki naammaginanngilluinnarpoq
- Naalakkersuisut aningaasaqarnikkut politikkiat naammaginanngilluinnarpoq, Inatsisartunut ilaasortaq Palle Christiansen (D), Inatsisartut oqaluttarfianniit ippassaq taama oqarpoq.
Allattoq Louise M. Kleemann
oktobarip 15-at 2008 08:03
- Nunatta Karsiani immikkoortinneqartut 30 procentii tapiissutaapput. Nammaqatigiinnermik oqalunnerup taamaattup Nunatta aningaasarsiornikkut ineriartornissaralua unitsippaa, Palle Christiansen oqarpoq.
Palle Christiasen isumqarpoq naalakkersuisut itertariaqalersut:
- Nunatta karsia ukiut sisamaat affaq qaangiuppat imaarutissaaq, Palle Christiansen oqarpoq, nangillunilu:
- Imminut akilersinnaanngitsunut tapiissuteqaraangamik nammaqatigiinneq tunngavilersuutigisarpaat. Kisianni nammaqatigiinneq ima ingasatsigisussaanngilaq, allaat nuna tamakkerluni unittoortinneqarluni. Taava nammaqatigiinnerup isumaa paatsoorneqarsimassaaq, Palle Christiansen oqarpoq.
