Palle aningaasat suminngaanneerpat?

Aningaasaqarnermut ataatsimiititaliap siulittaasua, Andreas Uldum, Demokraatineersoq tusagassiutinut nalunaarpoq, suliuniummut Bootcampimut aningaasaliissutigineqarsimasutut saqqummiunneqartut 2,5 million koruunit suli aningaaliissutigineqanngitsut.

Andreas Uldum erseqqissaavoq, aningaasaqarnermut ataatsimiititaliaq aningaasaliissutissanik aalajangersimasunik qinnuteqaatinik tigusaqaranilu suliaqarsimanngimmat.

Andreas Uldum taamatut nalunaarpoq, Inatsisartuni ilaasortat Inuit Ataqatigiinnersoq Aqqaluaq B. Egede aamma Siumumeersoq, Finn Karlsen-ip isornartorsiuereernersut. Taakku paaserusuppaat immikkut aningaasaliissutissat sumut atorneqarnissaannik sooq paasitinneqarsimannginnertik.

- Suliaq tullinnguuttoq tassaassaaq, Ilinniartitaanermut Naalakkersuisup Aningaasaqarnermut ataatsimiititaliamut nassuiaanissaa, Andreas Uldum tusagassiutinut allappoq.

- Suliniummut aningaasaliissutit aallaaviusut sukumiinerusmik paasisaqarfiginiarlugit, suliassaqarfimmut Naalakkersuisunut ilaasortaq, piffissami qaninnermi Aningaasaqarnermut ataatsimiititaliamut nassuiaassuteqassaaq, Andreaas Uldum allappoq.