Palin oqalugiarmat tusarnaartut pikkusoqaat
Republikanerit Minnesotami ataatsimeersuarneranni Sarah Palin oqalugialermat tusarnaartorpassuit nikutserlutik ersaattaapput. Sarah Palinip toqqarneqarneratigut præsidentinngorniunneq qiimmaallalluni ingerlanneqarsinnaangortoq Virginiamiit ataatsimeersuaqataasoq, Rebecca Hackelin oqarpoq. Taannalu oqarpoq Palin toqqarneqarmat tupaallaatigeqqaaraluariarlugu maanna præsidentip sinniisussaatut, siunissamilu partiip siulittaasussaatut assut tulluarnerarlugu.
John McCain nammineq tulliulluni pissanngatigineqalerpoq, unnuaru oqalugiarnermini suut anguniakkat isummersuutillu sakkugalugit præsidentinngorniunnermi unammisassani Barack Obama ajugaaffiginiassanerlugu saqqummiutissagamigit. Isumasiuinerit naapertorlugit McCain naammaginartumik tapersersorneqaraluarluni suli tamaviaartariaqarpoq.
Unnuaru John McCainip politikkerisani ataatsimeersuartunut saqqummiuttussaavaa.