Paldam: Aningaasaliissutit atorneqarnerat nakkutigineqartariaqarpoq

Kalaallit Nunaanni naalakkersuisut ilassinnissutissaminnik namminneerlutik aqutsinissartik naluppassuk, naalagaaffiup kukkunersiuisui nunatsinnut ukiumoortumik aningaasaliissutaasartunik nakkutilliisinneqartariaqalersut, Martin Paldam aningaasarsiornermik ilisimatooq, Aarhusip universititianeersoq taama oqarpoq.

-Ilassinnissutissat atorneqarnissaatut atorneqarpata tamanna ajunngilaq, kisianni eqqumiitsunut atorneqarfissaringisaminnut atorneqalerpata ernumanartoqarpoq, Martin Paldam oqarpoq. Isumaqarnerarpoq nunatsinni naalakkersuisut atuinerannik nakkutiginninneq sukateriffigineqartariaqartoq:

- Tassungalu atatillugu isumaqarpunga Danmarkimi nakkutiginnilluartussanik peqareersugut atorneqarluarsinnaasunik. Naalagaaffimmi kukkunersiuisut atorneqarsinnaapput, taakku naalagaaffimmi, tassa Danmarkimut Kalaallit Nunaannullu atatillugu, politeeqarnermut parnaarussiveqarnermullu nakkutilliinermik suliaqarmata, Martin Paldam oqarpoq.

Nunatsinni Namminersornerullutik Oqartussanut atatillugu kukkunersiuisartoqarfiup Deloittep kukkunersuisinneqartarnera Paldam-ip isornartoqartinnginnerarpaa.

- Taamaattorli eqqumiitsunik pisoqartillugu kukkunersiuisitanik taarsiisoqartartoq ilisimavarput, minnerunngitsumillu eqqarsaatigisariaqarpoq, kukkunersiuisut suliassamut atatillugu isumaqatigiissuteqarfigineqartarmata, isumaqarpunga taakku saniatigut inatsisinik tunngaveqarlutik kukkunersiuisinnaasunik aamma nakkutilliisoqartuuppat pitsaanerpaassagaluartoq, Martin Paldam tunngavilersorpoq.

Martin Paldam aperaarput naalagaaffiup kukkunersiuisartuisa ukiumoortumik aningaasaliissutit qanoq atorneqarnerannut nakkutilliisinneqarnissaannik isummamut nunarput isumaqataassanngikkaluarpat taava qanoq iliortoqartariaqarsorineraa, akivoq:

- Kalaallit Nunaani massakkut pisut pillugit Danmarkimi aviisini allaaserineqartartut takusuugukkit paasissagaluarpat nuannerpallaanngitsumik allaaserineqartartoq, minnerunngitsumik danskit skattimut akileraartartuisa aningaasalersueqataanerat eqqarsaatigissagaanni. Kalaallit Nunaannut ukiumoortumik aningaalisaliissutaasartut eqqunngitsumik atorneqartut akileraartartut paasigunikku, imaassinnaavoq Danmarkip Kalaallit Nunaannut ukiumoortumik aningaasalersuineranut tapersersuerusukkunnaartut, Martin Paldam oqarpoq, erseqqissarpaa Danmarkip immikkoortuini soorlu kommuneqarfinni aningaasanik aqutsinerliortoqartillugu atornerluisoqartillugulu nalaagaaffiup kukkunersiuisoqarfiata suliassinneqartarnera pissusissamisuuginnartoq. Martin Paldam aperigatsinni taama isummernera naalagaaniarnerunnginnersoq, oqarpoq ilumut naalagaaniarnerusoq, eqqunngitsumilli ingerlatsisoqarneranut pasitsaassinermik avaqqutaarneqarsinnaanngitsumik tunngaveqartoq erseqqissaaavoq.

Martin Paldam-ip isummernini kukkunersiuinermik suliassinneqartup Deloitte-p naalakkersuisut ilassinnissutinik atuisimanerannik kukkunersiuneranit sapaatip akunnerani kingullermi saqqummiunneqartumik tunngaveqarnerarpaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat