Palasit nammineq ineqarusupput sapaatinilu sulinngiffeqarnerorusullutik
Danmarkimi palasit pingasuugaangata ataatsip atorfimminut atatillugu illoqartinneqarnini taamaatitikkusukkaluarpaa, sapaatinilu sulinngiffeqarnerutitaanissani kissaatigalugu.
Aviisip Kristeligt Dagbladip misissuisitsinerani palasit kissaataat erserpoq.
Danskit palasitut atorfeqartut amerlanersaat pisariaqartinneqartutut misigalutik palasiusarput, taamaakkaluartoq palasip illuani ineqartariaqarneq ilaquttatillu sapaatini sulinngiffeqaraangata namminneq sulinngiffeqarsinnaatitaannginnertik naammaginagu.
Palasit aperineqartut pingasuugaangata ataatsip nammineq ineqarnissi kissaatigaa, sapaatinilu ullumikkornit ikinnerusuni sulisarusukkaluarluni.
Kristumiut aviisiata ullormut saqqummersartup misissuinermini palasit kikkuunissaat siumut aalajangeriigaanngitsut 275-t ulluinnarni atugaat pillugit apersorsimavaat.
Danmarkimi palasitut atorfillit palaseqarfiup illuutaani ineqartussaatitaanerat qaammatini kingullerni assut oqallisaavoq.
Palasinngorniat ilinniarfiannit Henning Kjær Thomsen oqarpoq, misissuinerup inerneri iliuuseqaqqusisut.
Aamma Bisbebjergip napparsimaviani suliffimmi atukkanik misissuisarfimmi nakorsaaneq Finn Gyntelberg, oqarpoq, iliuuseqartoqariaqartoq.