- Pisinnaatitaaffigut tuniniagaanatillu isumaqatigiinniutigineqarsinnaanngillat. Donald Trumpip Kangia Qiterlermi eqqisseqatigiittoqarnissaanut pilersaarutaa oqaluttuarisaanerup eqqaavianut igiinnarneqarnissaa pissusissamisoortoq, palæstinamiut siuttuata (qeqqaniittoq) ilanngullugu oqaatigaa.Assi: Abbas Momani/AFP/Ritzau Scanpix

Palæstinamiut siuttuat Trumpimut itigartitsoq: Jerusalaat tuniniagaanngilaq

Donald Trumpip israelimiut palæstinamiullu eqqisseqatigiinnissaannut pilersaarutaa piviusorsiornerunngitsoq, palæstinamiut oqaatigaat.

USA-p præsidentiata, Donald Trumpip, israelimiut palæstinamiullu eqqisseqatigiinnissaannut pilersaarutaa palæstinamiunit itigartinneqarpoq.

Trumpip eqqisseqatigiinnissaannut pilersaarusiani Det Hvide Husimi saqqummiutereeraalu tamanna pivoq.

Palæstinami namminersorlutik oqartussat siuttuata, Mahmod Abbasip, pilersaarut peqatigiinniapilunnertut taavaa, pilersaarullu akuerineqarnavianngitsoq oqaatigalugu.

AAMMA ATUARUK Trump eqqisseqatigiinnissamut pilersaarut pillugu: Palæstinamut aamma iluaqutaassaaq

Palæstinamiut nunaannik pilersitsisoqarlunilu, palæstinamiut Jeruusalaap kangisissortaani pingaarnertut illoqarfeqarnissaat Trumpip pilersaarutigaa, Israelimiullu nunassinnikut taassuma saniatigut ataannarnissaat aamma pilersaarutigalugu.

Pilersaarulli taamaattoq piviusorsiornerunngitsoq, Mahmoud Abbasip oqaatigaa.

- Jerusalaat tuniniagaanngilaq, Mahmoud Abbas oqarpoq nangillunilu:

- Pisinnaatitaaffigut tuniniagaanatillu isumaqatigiinniutigineqarsinnaanngillat.

Donald Trumpip Kangia Qiterlermi eqqisseqatigiittoqarnissaanut pilersaarutaa oqaluttuarisaanerup eqqaavianut igiinnarneqarnissaa pissusissamisoortoq, palæstinamiut siuttuata ilanngullugu oqaatigaa. Nutaarsiassaqartitsivik DPA taama allaaserisaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat