Palæstinamiut premierministerertik saassukkaat
Allattoq Mads Lynge
Palæstinamiut isumannaallisaaaniartuisa 100-likkaat premierministerip Ismail Haniyap Vestbreddenimi Ramallah-mi allaffeqarfia saassussimavaat, ikuallatsillugulu.
Premierministeri Ismail Haniya Palæstinamiut sakkulersorlutik akiuuttut suleqatigiiffianniit Hamasiminngaanneersuuvoq, Gazamilu angerlarsimaffeqarluni. Taamaammat saassussinerup nalaani Ramallah-miissimanngilaq.
Palæstinami præsidentip Mahmoud Abbasip suleqatigiiffiata Fatah-p isumannaallisaaniartartui aamma saassussisimanerarneqarput.
Hamas-ikkut Fatah-kkullu imminnut akerleriipput, Mahmoud Abbasip Israel eqqisseqatigiinnissamik isumaqatiginiissuteqarfiginiarmagit, Hamasikkullu Israelip piuneerussaanissaa piumasarimmassuk.