Palæstinami naalakkersuisut nutaat Hamasikkunnit siuttuuffigineqartut nalunaaquttap akunnialunngui matuma siorna palæstinami præsidentimit, Mahmoud Abbasimit uppernarsaatinneqarput.
Palæstinami inatsisartut amerlanerussuteqarluarlutik naalakkersuisunik akuersereersullu Gazami uppernarsaatitsisoqarpoq.
Hamasikkut tupaallannaqisumik januaarip 25-ani Palæstinami qinersisoqarmat ajugaapput palæstinamiullu ukiorpassuarni Fatah tunngavigalugu naalakkersuinikkut aqutseriaaseq taamaalillutik ajugaaffigaat.
Palæstinami inatsisartut ataasinnguamilluunniit USA-mit aallartitanit niuernermillu suliaqartunit attaveqarfigineqassanngitsut USA-mi naalakkersuisunit naalakkiutigineqarpoq.
Amerikamiut aallartitaasa palæstinamiut præsidentiat Fatah-kkunni ilaasortaasoq kisiat attaveqarfigisinnaavaat. Tassumali saniatigut palæstinami inatsisartuni ilaasortat Hamassikkunnut ilaasortaanngitsut attaveqarfigineqartarnissaat inerteqqutaanngilaq.