Pakistanimiu peqqarniitsuliortartorsuartut nassuerpoq

USA-mi septembarip ulluisa aqqarnganni 2001-imi peqqarniisaarnernut akisussaasuunini, pakistanimiup, Khalid Sheikh Mohammed-ip, nassuerutigaa.

Sakkutooqarfimmi Cubamiittumi, Guantanamomi, tusarniaasimanermit nalunaarusiami takuneqarsinnaavoq, USA-mi 2001-imi peqqarniisaarnerit, saassussinerillu arlalissuit allat, akisussaafigalugit nassuersimasoq.

Allakkiaq malillugu, peqqarniisaarnerpassuit, 28-nit ikinnerunngitsut, Mohammedip aamma nammineq akisussaaffiginerarpai, World Trade Centerip 1993-imi peqqarniisaarfigineqarneraniit Indonesiami Balimi natklubip qaartartumeerneqarnera tikillugu. Nassuerutaanut ilaapputtaaq, USA-mi præsidentiusimasut, Bill Clinton aamma Jimmy Carter, toqoriaraluarsimagini, taamatuttaaq Paviugaluaq Johannes Paul aappaat, Filippinerini aamma toqoriaraluarsimallugu.

Nutaarsiassaqartitsivik BBC naapertorlugu, Tuluit Nunaanni Inatsisartut illorsuata napasuliartaa, Big Ben, Londonimilu mittarfik, Heathrow, peqqarniisaarfigissallugit Mohammed aamma pilersaaruteqarsimagaluarpoq.