Pakistanimi toqqissisimanngillat

Islamabadimi arfinginngormat sakkortuumik qaartitsisoqareernerata kingorna, Pakistanimi pisortat, politiit sakkutooqarnermullu akisussaasut illuatungeriinnit tatisimaniarneqarput - Ilaasa Al-Qaeda Talebanillu akioqqugaat ilaasa USA sunniuteqarunnaarseqqugaat.

Pakistanimi pisortat inuiaqatigiit ilaannit Amerikamiunillu iluarisimaarneqarusullutik Al-Qaedameersunik akiuiniartariaqarlutillu illuatungaatigut arlaannaannilluunniit tatisimaneqaratik naalagaaffimmik aqutsisinnaallutik aamma takutinniartariaqaramikku annikillioqaat. Al-Qaedameersunik akiuiniarneq iluatsinnaveersoq piffissami kingullermi qaartartumeerisaqattaarnerit takutippaat. Pakistanimiut sakkutuui Afghanistanimut killeqarfiup eqqaani talebaninik Al-Qaedameersunillu akiuiniaraluarlutik, tamaani sakkutuut iligiiaat naalagaannik talebaninillu isumaqateqaqattaarneq pissutigalugit pisortat sunarpiaq siunertarineraat inuiaqatigiit akornanni paatsiveerussimaarutigineqarpoq. Pisortat periusaat aamma Amerikamiunit naammagisimaarneqanngeqaat. Talebanimmi Al-Qaedameersullu akiorneqarnissaannut Amerikamiut aningaasarpassuarnik tapiisarput, Pakistanimili sakkutuut akornanni marloqiusamik sullissisoqartoq uppernarsineqartareermat Amerikamiut qoqassineqartutut misigigamik, killeqarfiup eqqaani pikitstsinianut akersuuttaannaratik aamma Pakistanimiut sakutuuilu akersuuttarput. Kingullermik sakkortuumik qaartartumeerisoqarnerata takutippaa præsidentinngoqqammisoq, Sadari naalakkersuisunngortitaalu suli sanngiitsut, aammali Pakistanip suup tungaanut ineriartornissaa siunniunneqassanersoq aalajangerneqartariaqalersoq pissutsit takutippaat – tassa USA tapersersorneqassanersoq imaluunniit akiorniarneqasanersoq.

Islamabadimi kingullermik qaartartumeerisoqarnerani danskit isertortumik paasiniaasartuisa ilaat ajunaarsimasorineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat