Pakistanimi Talibanit peqqaannagu akiorneqalerput
Pakistanip nunap iluani pissutsinut ministereqarfiata nalunaarutigaa Talibanit 700-t sinnillit toqutaasimasut. Annilaanngatigineqalerpoq inuinnaat qimaasut 1 millionit sinnersimassagaat. Pakistanip avannamut kippasissortaanit Swatip qoororsusuani sorsuffimmit inuinnaat qimaasut nassarsinnaasatik angallassissutigisinnaasatillu atorlugit qimarrapput.
Pakistanip naalakkersuisuisa sakkutuuisa pikitsitsisut pissaaqarniartut Talibanit akiorniarsaraat. Qimaasut ilaquttaminnut, ilisarisimasaminnullu qimarrapput, Naalagaaffiilli Peqatigiit qullersaqarfianit nalunaarutigineqarpoq qimaasut 360.000-t qimaasunut inissianut oqquiffissarsiortut. Qimaasuni ittortaasoq oqaluttuarpoq:
- Swatip qoororsuanit ippassaq ullaakkut arfineq marlunngoraa qimaavugut. Akunnerit 24-it nerisaqanngivilluta ingerlaarpugut. Nerisassaqaratalu imissaqanngilagut. Mikisunik meeraqarpugut, qanoq iliussaagut? Swatip qoororsuarmiut naalakkersuisut Talibanillu akersuunneranni ajugaasussanik utaqqiinnaleqqapput. Neriuutigaat sorsunneq soraarpat ajugaasut arlaat iluarsiiniarumaartut.
