Pakistanimi qinusarfissuaq qaartartumeerpaat

Pakistanimi sapaat eqqissisimaffiunngeqaaq. Qinusarfik aappalaartumik taagugaq, islamimik upperisalinnit ingasattajaarnianit marlunngormalli tiguarneqartoq Pakistanimi sakuttunit qarmaasigut arlalinnik qaartitsilluni ullumi putuneqarpoq. Sakkutuut taamaaliornermikkut arnat meeqqallu qimaanissaannik periarfissippaat.

Pakistanimi sakkutuut aamma sakkulersorlutik akiuuttartoqatigiit, islamimik upperisallittut sorsukkumatuutut ilisimaneqartut, akiuuttuarnermikkut Islamabadimi qaammatini kingullerni najummassimanartorsiortitsipput.

Qinusarfissuaq ullumi qaartartumeerneqarmat, inuit ikinnerpaamik 21-t toqutaasimasut, nutaarsiassaqartitsivik Ritzaus Bureau allappoq.

Islamimik upperisallit palasiat mumisitsiniartutut ilisimaneqartoq Abdul Rashid Ghazi sorsukkumatuunik 50-60-inik qanimut suleqateqartoq, oqartussanit tiguaanermut akisussaaneragaavoq peqqarniisaarnianullu al-Qaeda-kkunnut attuumassuteqarneragaalluni.

Pakistanip præsidentia Musharraf ippassaq peqqusivoq, qinusarfissuarmik tiguaasut tunniutiinnassasut. Palasili Ghazi upperisaq pillugu imminut pilliutiginissamut piareersimallutik, aviisitigut ullumi nalunaarpoq.

Pilliutiginermikkut Pakistanip USA-mik illersuilersimanera illuatungilerniarpaat, nunamilu isitsisoqaqqullugu. Qinusarfissuaq aappalaartoq islamimik upperisallit qullersaqarfiattut ukiorpassuarni isigineqarpoq. Tassungalu qinujartortartut tassaaneragaapput, USA-p peqqarniisaarniarnermut akiuneranut Pakistanip illersuineranik akerliusut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat