Pakistanimi qinersisoqassaaq ullulerneqanngilarli
-Aalajangiusimavarput qinersisoqarnissaa, taamaaliornitsigummi oqartussaaqatigiilluni aqutsinerup Pakistanimi ineriartortuarsinnaanissaa qulakkeertussaavarput, Pakistanip ministeriunera Shaukat Aziz oqarpoq.
Taamaakkaluartorli qaqugorpiaq qinersisoqassanersoq oqaatigineqarsinnaanngikkallarpoq, pilersaarutit naapertorluguit qinersineq januaarimi pisussaagaluarpoq, ippassarli præsident Musharaff-ip inatsisininik nalingininnaasunik atuutsitsiunnaarneratigut qinersineq ullulerneqarsinnaajunnaarallarpoq.
Qinersinerup ullua allanngorsinnaavoq, tassungalu tunngatillugu erseqqinnerusumik aalajangiisoqarsimanngilaq Aziz oqarpoq erseqqissarlugulu inatsisit nalininginnaasut atorunnaarsinneqarnerat sivikitsuinnarmik ingerlanneqassasoq, kisiannili pisut takutikkumaaraat qanoq sivisutigisumik atuuttinneqassannginnersut.
Præsidentip inatsisinik nalinginnaasunik atuutsitsiunnaarnerata kingorna inuppassuarnik tigusarinnittoqartarsimavoq, eqqartuussisunik soraarsitsisoqartarsimavoq soorlu aamma nutaarsiassaqartitsiviit sukannersumik aqunneqalersut. Pisortanit paasissutissiissutigineqarpoq inuit 500 tigusarineqarsimasut.
Præsidentip eqqartuussisut islamistillu ingasaassiniat Pakistanip aqunneqarneranik serlersaarinninniartutut unnerluuppai. Inatsisinik nalinginnassunik atortitsiunnaarnermigut naalagaaffiup atomiinik sakkussiaatillup ”imminorniarnera” unitsinniarnerarpaa. Musharaff-ip kitaani naalagaaffiit Pakistanimi pisunik ineriartornermillu paasinninissaat qinnuigai.
Islamabadimi pinerluttaalisitsisut sakkutuullu eqqartuussiviit qullersaat ungoqqavaat. Eqqartuussiviit qullersaata Musharaff-ip præsidentitut oktoberip arferngani qinerneqarnerata akuerineqarsinnaanera inatsisinillu napertuunnera aalajangiiffigisussaagaluarpaa.
