Pakistanimi qinersinissaq kinguartinniarpaat

Pakistanimi inatsisartunut januaarip ulluisa arfineq-pingajuanni qinersinissaagaluaq ikinnerpaamik sapaatip-akunnerinik sisamanik kinguartinneqarpoq, taama naalakkersuisoqarfimmit ullumi nalunaartoqarpoq. Taama nutaarsiassaqartitsivik AFP allaaserinnippoq.
Allattoq Najaaraq Egede
decembarip 31-at 2007 17:37

Pakistanimi naalakkersuinikkut illuatungiliuttut siulittaasuata Benazir Bhuttop sapaatip-akunnerani kingullermi toqutaanera nunami suli eqqissiviilliortitsiuarsinnarpoq.

-Taamaammat januaarip 8-ni qinersisoqarnissaa ilimananngilaq. Taama eqqissiviilliortoqartigitillugu qinersinissamut piareersarnerit tamarmik aamma eqqugaapput, alla aamma oqarpoq.

Bhuttop partiia, Pakistanimi Folkeparti PPP, kinguartitseqqusinngilaq.

Illuatungiliuttulli siuttuat alla Nawaz Sharif oqarpoq namminneq kinguartitsilaarsinnaaneq akuerisinnaallugu.

Pakistan Benazir Bhutto-p toqutaanerata kingorna nalilippassuarnik annaasaqarfiuvoq.

Assersuutigiinnarneqarsinnaavoq, qimuttuitsut aqqutaasa aningaasat koruunit milliardit ataatsit nalinginut aserugaanerat.

Inuinnaat biilii aamma ikuallanneqartorpassuupput. Sulili annaasat tamarmik nalilersorneqanngillat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq