Pakistanimi qimuttuitsut qaartinneqarput

februaarip 19-at 2007 07:53

Qimuttuitsut Indiamiit Pakistaniliartut ullumi qaartinneqarmata minnerpaamik inuit 66-t ikuallagussaallutik toqupput. Indiamiit Pakistanimiillu ilimagineqarpoq nunat taakku marluk akornanni eqqisseqatigiinnissaq anguniarlugu iliuuseqarneq akornuserniarlugu tamanna pinerliiniaqatigiit piliarisimassagunaraat.

- Manna tikillugu inuit timaat toqungasut 66-t nassaaraagut, inuit 13-t timimikkut ikiligaarujussuartut napparsimavimmut ingerlanneqareerput, taavani politiit ittuat oqarsimavoq.

Indiap illoqarfiisa pingaarnersaasa eqqaanni illoqarfimmi Panipat-imi unnuaq qaartartut qaartinneqarmata qimuttuitsut qamutaat marluk piuneerutitivillugit qaartinneqarput. Kuffertillu marluk qaartartunik imallit nassaarineqarsimasut aamma oqaatigineqarpoq.

Indiap Pakistanillu tungaanut aqqut tassaavoq nunat taakku marluk qanillinissaat pillugu aqqutaalersimasoq. Nunat taakku marluk imminnut qanilliniarnerat 1947-miilli pingasoriarluni sorsunnermik kinguneqartitsereerpoq.