Qimuttuitsuni ilaasut ullaakkorsiutiliuleruttorneranni gassip puua qaarpoq.Assi: Handout/AFP/Ritzau Scanpix

Pakistanimi qimuttuitsuni qaartoortoqarmat inuit ikinnerpaamik 65-t ajunaartut

Pakistanimi qimuttuitsuni gassip puua nerisassiortoqarnerani qaartoorpoq. Inuppassuit qimuttuitsunit pissillutik qimaariaraluarnerminni ajunaarput.

Pakistanip kujataata kangisissuani qimuttuitsut ikuallammata inuit ikinnerpaamik 73-it ajunaarput. Tamatuma saniatigut inuit 40-nit amerlanerusut aqqunarsimapput.

Punjapimi peqqissutsimut ministeri, Yasmin Rashid, taama ilisimatitsivoq.

Qimuttuitsuni ilaasut ullaakkorsiutiliuleruttorneranni gassip puua qaarpoq.

Ilaasorpaaluit qimuttuitsut ingerlaarneranni qimuttuitsuniit pissillutik anigueriaraluarput.

Qimuttuitsut kalitai allat pingasut ikuallallutik aserorput.

Aqqunartut illoqarfiup eqqaani napparsimmaviliaanneqalertupallareerput.

Gassip puuinik isertorluni nassartoqartarnerata ajornartorsiutaanera nalinginnaasuusoq

Punjapimi illoqarfiup Rahim Yar Khanip eqqaani ajutoortoqariitsiartoq inuit 13-t ajunaarsimasut nalunaarutigineqaraluarpoq. Ajunaartulli amerlanernissaat pisortanit aarlerisaarutigineqarpoq.

Pakistanimi qimuttuitsoqarfinnut ministerip Sheikh Rashidip oqaatigaa, qimuttuitsuniit pissillutik anigueriaraluarsimasut amerlasuut ajunaarsimasut.

Ministerip ilisimatitsissutigaa, inuit gassip puuinik qimuttuitsuni nerisassiornermut atugassaminnik isertorlutik nassartarnerat Pakistanimi ajornartorsiutaanera nalinginnaasuusoq.

Pakistanimi qimuttuitsut aqqutaat nunasiaanerani sananeqarsimasut aserfallatsaalineqarnissaannut ukiuni qulikkuutaani arlalinni aningaasaliisoqartarsimanngimmat aserfallassimasorujussuupput.

Qimuttuitsut allat juulimi ajutoormata inuit aqqanillit qimuttuitsullu aamma allat septembarimi ajutoormata inuit sisamat ajunaarput.

Qimuttuitsut pingasut qimuttuitsut aallartarfianni Sindhimiittuni 2005-imi ajutoormata inuit 130-t missaat ajunaarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat