Pakistanimi pikititsineq

Illoqarfimmi Peshawarimi nunap immikkoortuani isertortumik paasiniaasarfiup allaffeqarfianik pingaarnermik saassussinermi illu pingasunik quleriilik nungungajappoq, peqqarniisaarniallu akiorniarneqarfiat tassannga aallaaveqarluni. Politeeqarfimmi Afghanistanimut killeqarfiup qanittuani nal. akunnera ataaseq qaangiummat imminut pilliutigaluni ataasiarluni aamma qaartartumeerisoqarpoq.

Isumannaallisaasunut inuinnarnullu qaartartumeerisaqattaartoqarpoq.

Naalakkersuisullu talebaninit Al Qaidamillu najugarineqartunut nunami qatsissumi tikikkuminaatsumilu Afghanistanimut killeqarfeqartunut illersornialernerisa kingornatigut, saassussisarnerit ilagiinnarpaat. Sapaatip akunnerata kingulliup ingerlanerinnaani qaartartumeerisaqattaarnerni inuit 50-it toqutaapput.

Illoqarfiit pingaarnersaata Islamabadip avataani peqqarniisaarniat inissisimaffiit pingaarnersaannut qammammi kingullermi isaapput tassanilu sakkutuut sallunaveeqqutitut tigusarineqarlutik, aammalu ulloq unnuarlu qaangiutilersut peqqarniisaarniat sakkutuunit saassutarineqalerlutik. Tamatumanili erseqqissarneqaannarpoq sakkutuut pikitsitsiniat Pakistanimi pissaanermi qitiusunut isernissaminnut iluatsitsisartut, nunamilu tamaani peqqarniisaarniarnermik pinngitsoortitsiniartussaagaluartunik eqquisarlutik.