Bhatti, Pakistanimi naalakkersuisuni kisiartaalluni kuisimasuusoq, illoqarfiit pingaarnersaanni Islamabadimi ullukkut qaammaruttortoq ullumi siusinnerusukkut toqutaavoq. Toqutaagami sakkutuunik paarsisoqarsimanngitsoq, nutaarsiassaqartitsivimmi Reuterimi allaaserineqarpoq.
Pakistanimi Guutimik mitaatiginnittunut inatsisip akerleriissutaaqisup allanngortinnissaa Bhattip inassutigisimavaa, tamannalu toqutaaneranut pissutaasoq, nunat tamat nutaarsiassaqartitsiviini tusarliussat naapertorlugit, Talibanikkut oqaaseqartartuat oqarsimanerarneqarpoq.
Anaanaq kuisimasoq, sisamanik meeralik, toqumut pillagaammat, Pakistanimi Guutimik mitaatiginnittunut inatsit siorna novembarimili ukkatarineqalerpoq.
Pakistanimi provinsimi inuttunerpaami, Punjabimi, guvernøri, Salam Taseer, aallaaneqarluni januaarip ulluisa sisamaanni aamma toqutaavoq. Salam Taseer Guutimik mitaatiginnittunut inatsimmut akerliusimavoq, arnallu 45-nik ukiullip saammaanneqarnissaa sulissutigisimagaluarlugu.