Pakistanimi Bhuttop partiia amerlanerussuteqalerpoq

Pakistanimi Folkeparti PPP inatsisartuni amerlanerussuteqalerpoq.
Allattoq Elisa Isaksen
februaarip 19-at 2008 17:39

Partiip iluatungiliuttup aappaa ”Musliimit upperisaqaqatigiit”ministeriunermit Nawaz Sharif-imit aqunneqartut, peqatigalugit PPP inatsisartuni 272-inik ilaasortaaffigineqartumi amerlanerussuteqalerpoq.

Massakkuugallartoq inernerit naapertorlugit ministeriunerup Pervez Musharraf-ip partiia 38-iinnarnik isertitaqarpoq, ajorsarneralu angingaarmat tusagassiuutit arlallit Musharrafip tunuarnissaa piumasarilerpaat.

Musharrafilli nammineerluni tunuarnissaa ilimagineqanngilaq. Ministeriuneq rigsret-imut sassartinneqassappat inatsisartuni ilaasortat affai sinneqartut uppisitsinissamut tapersiisariaqarput, partiillu illuatungiliuttut marluusut taamaaliornissamut amerlanerussuteqanngillat.

Taamaakkaluartoq inatsisartuni partiit allat Musharrafimut 1999-imili pissaanermik tigummiartumut tunuartitsinissamik tapersiisinnaanerat ilimagineqarsinnaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq