Pakistanimi allaffimmiut marluk niaquerneqarput
Upperisamik pingaartitsilluinnartut oqaaseqartartuat ippassaq oqarpoq, niaquiinertik akiniaanerusoq, tassami sakkutuut naalagaat marluk naalakkersuisut sakkutuuinut arfininngormat akersuutsillutik toqutaammata.
Naalakkersuisut allaffimmiuisa nuimasut marluk toqutaanerisa takutippaat, eqqisseqatigiinnissamik akerleriikkaluarluni isumaqatigiissut, Pakistanip naalakkersuisuinit talibanikkunnillu isumaqatigiissutaasoq, ajalusooqqajaasoq.
Isumaqatigiissut pissutigalugu provinsimi killeqarfiup avannamut kitaatungaaniittumi musliminut sakkoqaqqusiunnaarnissamik inatsisiliornissaq Talibanikkut iluatsissinnaasimavaat.
Pakistanimili qitiusumik naalakkersuisut Talibanikkunnit suli naqisimaneqarput. Qitiusumilli naalakkersuisut sanngiippallaarnertik pissutigalugu sakkortuumik aamma assuarineqarput - Pakistanimi demokratinit ilaatigullu aamma USA-mit.
