Pakistanimi illoqarfinni tamangajanni Muuamaamik titartakkat akerliuffigalugit akerliussutsimik takutitsisoqarpoq. Akerliussutsimillu takutitsinerit eqqissimasumik ingerlanneqarput peqataasullu ikiliartorput.
Illoqarfimmi Peshawar-imi akerliussutsimik takutitsisut 5000-t missaanniittut præsident George Buship assinganik ikuallaapput. Nunaqarfeeqqamilu akerliussutsimik takutitsisut Danmarkip erfalasuanik ikuallaajutigalutik 3000-t nilliapput: Danmark USA-lu piuneerunneqarlik.
Illoqarfiit pingaarnersaanni Islamabadimi sakkutuut politiillu ulloq naallugu amerlasuunngorlutik angalaaqattaarput, tassanilu inuit eqqissisimasimasut nalunaarutigineqarpoq.