Canadamiut Paggivittammi puisinniarnerat sikorsuarnit navianartorsiortitaavoq – sinerissami nakkutilliisut puisinniutit inuttaannik maannakkorpiaq annaassiniarsaripput, umiarsuit puisinniutit sikorsuarnit nikeriarsinnaajunnarsimammata.
Umiarsuit puisinniutit sikunit kiggigunneqarlutik umiunissaminnik navianartorsiorput – inuttallu ilaasa umiarsuarisatik qimattariaqarsimavaat. Umiarsuit nikeriarsinnaajunnaaqqasut pequutissaminnik nunguutsisuulivipput, soorlu nerisassanik orsussamillu.
Anorlerujussuartarnerata sikorsuit nunamut torrussimavai – sapaatillu akunnerani ataatsimi suli silarluttuarallassasoq ilimagineqarpoq.
Ukiumut puisit pisarineqartussat 270.000-it affaat sinnerlugit, tassalu 66 %-it missaat, anaaleraluni puisinniarnermi tusaamanerlunneqaqisumi, maanna pisarineqareersimapput. Taama paasissutissiipput Canadamiut oqartussaasui.
Pisassiissutit sinneri tamakkerneqassanersut suli ilisimaneqanngilaq.