Paggivittami qatanngutigiinniat atuagaataat saqqummersinneqarput

Montrealimi Mcgill-ip universitetiani karsink pujorallertunik misissuinerit, Paggivittami Qatanngutigiinniat siulliit pillugit, alutornarluinnartumik saqqummersitsinermik kinguneqarpoq. Karsip imai angutip pisoorsuup qanga Akilinermiut allagaatigisoralugit pisiareriarlugit universitetimut tunniussarinikuuai. Karsilli siorna ammarlugit misissorneqarmata qaqutigoorluinnartunik imaqartut paasineqarpoq.

Qatanngutigiinniat siulliit 1751-mi Akilinermut tikittut inuartarineqarsimapput. Taamaammat Nunatsinni ajoqersuisuusimasoq, Jens Haven 1763-imi Akilinermut tikimmat aatsaat ajoqersuineq aallartissimavoq. Jens Haven kalaallisut oqalussinnaagami pinngortitarlu sungiusimallugu, naggueqatigiit Inuit akornanni sulisinnaasimavoq. Ajoqersuinerlu Paggivittami tamani ingerlanneqarsinnaalerallartillugu, naggueqativut allassinnaalerlutillu atuarsinnaalersimapput. Taamani Paggivittarmiut allassinnaallutillu atuarsinnaanermik saniatigut aamma niuernermik sungiussigallarlutik, Akilinermi inuiaqatigiinnit allanit siuariartulersornerusimapput.

Qatanngutigiinniat 1800-p nalerpiaani kisitsinermut, atuarnermullu ilinniutaat, tussiutaat nutaarsiassatullu siaruaattarsimasaat karsini naassaarineqarput. Tassalu tamakkua maannakkut saqqummersinneqarput. Saqqumersitsineq taallugu “ Akilinermi naggueqatigiit oqaluttuarisaanerat Qatanngutigiinniat aallartitaat”.

Naggasiut:

Saqqummersitsinermi ukioq 1800-miit ullumikkumut ineriartorneq takutinniarneqarpoq, Nunatsiniillu atuakkat aamma ilanngunneqarsimallutik.