Pagginnerup kingorna toqusoq

Angut 40-t sinnerlugit ukiulik Aasianni ippassaq toquvoq. Angut taanna angummit allamit aamma 40-t sinnerlugit ukiulimmit persuttarneqarnermi kingorna toquvoq.

Pagginneq pisiniarfiup Sparip silataani ippassaq ualikkut ataatsip qeqqata missaani pisimavoq, aalakkattut akornanni paggittoqalersimagami. Takunnittorpassuaqarsimasoq Aasianni politiit pisortaat Aqqaluk Petersen oqarpoq.

Angut pagginnerup kingorna ambulance-mik napparsimaviliaanneqarsimavoq, akunnialunnguillu qaangiutereersut toqusimalluni.

Angut persuttaasoq politiinit sapaatit akunnerini pingasuni tigummigallaganngortinneqarsimavoq:

- Pagginnermut takunnittorpassuaqarpoq, inuillu taakku maanna killisiorneqaleruttorput, Aqqaluk Petersen oqarpoq.

Nakorsaq toqusimasunik misissuisartoq Danmarkimit maanna tikisinneqalerpoq, toqusup toqussutaa misissorneqassalluni.