Walesimi angut aningaasanik agguaaleriasaarsimavoq. Inuit pisuffissaannut qeqqeriarluni aningaasat 20 pundit qummut igeriuteriarlugit suaartarsimavoq;
- kina aningaasanik perusuppa ?`
Niuertarfiutillip niuertarfiumminit pisoq tamaat isiginnaakkani upperisimanngikkaa, BBC tusarliussivoq.
- Aningaasat tamarmik 20 pundiupput tusallatsiarparalu 20.000 pundit sinnerlugit qummut milorujussimagai, niuertarfiutilik John Morris oqarpoq.
Angut aningaasanik milorujussanik katersisoq 800 pundit sinnerlugit katersisimavoq.
- Ila soorlu filmimik isiginnaaginnarluni. Inuit paarngorlutik paggapput, Morris oqarpoq.
Taamatut paggatitsisoqarsimasoq politiinit uppernarsarneqarpoq. Angut paggatsitsereerami ingerlaqqissimavoq.