Paavip Kalaallit Nunaat pilluaqquaa

Romami katuullit paavertaavata Benedictit 16-iata nunatsinni naalakkersuisuni ilaasortaq Josef Motzfeldt allakkatigut qujassuteqarfigisimavaa.

Tassa paavertaaq apriilimi paavinngortinneqarmat Josef Motzfeldt pilluaqqussummik allagaqarsimavoq.

Tamanna pillugu Vatikanimiut akillutik allapput Namminersornerullutik Oqartussat pilluaqqusinerannut qujassummik.

Vatikanimit qujassummut ilanngullugu Josef Motzfeldt suleqataalu aamma pilluaqquneqarsimapput.