Paavip ilagiit katuullit isornartorsiorpai
Inuiaqatigiini pingaartitat isasoornerat pissutaatinniarneqarlutik USA-mi biskopit nukappiaqqanik meeqqanillu allanik naapertuilluanngitsuliortarnerarlugit, Paavi Benedict 16-iat USA-mi tikeraarnermini ilaatigut oqariartuuteqarpoq.
apriilip 17-at 2008 05:37
Illernartuutitat Washingtonimiittut ilaanni Paavi naalagiartitsinermini taamatut oqariartuuteqarpoq, palasit katuullit 100-likkaat najuuffianni.
-Pornografiimik nakuusernermillu tusagassiutit assigiinngitsut aqqutigalugit takusaqartoqarsinnaanera pissutigalugu meeqqanik mianerinnittussaanermik oqalunneq allaanngilaq soqutigineeruttoq, Paavi oqarpoq.
Tuluit tv-qarfissuata BBC-p nittartagaani taama allaaserinnittoqarpoq.
Paavi USA-mi ulluni makkunani tikeraarpoq, tikeraarnerlu pivoq ilagiinni katuuliusuni meeqqanik atornerluisoqartarsimanera pillugu aalassassimaartoqaleruttortoq.
