Paavi peruluttoq nunatsinni aamma qinnunneqarpoq
apriilip 01-at 2005 16:56
Paavimi Johannes Paul aappaat peruluppoq, katuullillu qinnussisut Italiamiuinnaanngillat, aammali Nunatsinni katuuleqarpoq, taakku ilagaat Dronning Ingridip Napparsimmaviani peqqissaasoq Søster Agnes.
- Inuk kinaluunnit, ilaqutaaguni qanigisaaguniluunnit peruluttoq qinnuttarparput, tamanna allanngunngilaq, matumani aamma taamaappoq. Søster Agnes oqarpoq.
Søster Agnes aamma oqarpoq, paavi Johannes Paul aappaat katuullinut tamanut sunniuteqarsimaqisoq, inutsialaasoq inuunerminilu naammassisarpassuaqarsimasoq.
Palasi kinaluunnit oqaluffimmut sunniuteqartaqisoq erseqqissaatigaa, kaluullillu inuunerannut annertuumik sunniuteqarsimasimanerarlugu. Taamaattumik paavi eqqarsaatiminniittoq qinnunneqartorlu erseqqissaatigaa.
