Paatsooqatigiinneq pagginnermut aallarniutaavoq
- Kissarsuummut sikringi aserormat akerleriinneq aallartippoq, Sundholmimi forstanderi, Anne-Mette Bjørn, aviisip Politikenip nittartagaanit issuarneqarpoq. Politiit ilisimatitsissutigigaluarpaat, inuiaqatigiit taakku marluk akornanni sivisuumik isumaqatigiinngissimanerneq pagginnermut aallarniutaasimasoq.
Suna tamarmi aallartippoq, somaliamiut pingasut, unnuisarfimmi najugallit, sikringi taarseriartorlugu torsuusamukarmata. Angut kalaaleq akuliuppoq, sikringi nammineq taarserniarlugu.
- Ikiuukkumaneq paatsoorneqarsimagunarpoq, sikringi immaqa kalaallimit tillinneqalersoralugu - qulleqarnanilu nerisassiorfissamik kissaarsuuteqarani sapaatip akunneranik naanersiornissaq takorlooruminaammat somaliamiut kamaammerujussuarput, Anne-Mette Bjørn oqarpoq.
- Somaliamiut kalaallillu imigassartorlutillu ikiaroornartutorsimariarmata pagginneq sapaatiummat ualikkut aallartippoq, Anne-Mette Bjørn nangippoq.
- Taama ingasatsigisumik inerneqarmat tamarmik tuppatigaat, Sundholmimilu inuuneq maanna kingumut eqqissisimaqqilerpoq, Sundholmimi forstanderi naggasiivoq.
