Paasiuminaatsippaat

Høgni Hoydalip, Folketingimi Atlantikup avannaani qinikkat suleqatigiiffianneersup, Danmarkimi qinikkat paasisinnaannginnerarpai, taakku oqarmata nunatsinnut ataatsimoortumik tapiissutit Danmarkiminngaanniit

Savalimmiut ukiut qulit matuma siornatigut akiliisinnaajunnaartutut nalunaarutigineqartut, allanit aqunneqarnissartik piumasarilerpaat.

Kukkunersiuisarneq taamanikkulli sukannernerulersinneqarpoq, kingullertigullu nunatsinni pisimasut ingalassimatinneqarsinnaasimapput.

- Ajornartorsiut qaangerniarlugu Danmarkiminngaanniit annertunerusumik nakkutigineqalernissaq pisariaqanngilaq, Folketingimi Atlantikup avannaani qinikkat suleqatigiiffianneersoq, Savalimmiormiu Høgni Hoydal oqarpoq.

Taanna aamma isumaqarpoq nalunanngereersoq tamanna qanoq inerneqarumaarnersoq, piviusorsiornerunnginnerarpaalu:

- Taamatut qisuariaateqarnermi takussutissaannaavoq qinikkat Danmarkimeersut Kalaallit Nunaanni Savalimmiunilu pissutsinut ilisimanninnginnerat malinnaannginnerallu, Høgni Hoydal oqarpoq.

- Kalaallit Nunaanni ajornartorsiutit kalaallit namminneq aaqqiivigissavaat, paasisakkalu malillugit Kalaallit Nunaanni taamaaliortoqarusuppoq, taava paasisinnaanngilara Danmarkimi qinikkat ilaasa ataatsimoortumik tapiissutit Danmarkiminngaanniit aqunneqalernissaannik oqalunnerat, eqqarsarluaqqaannginneruvoq, Høgni Hoydal oqarpoq.