Paasititsiniaaneq ICC-mit isornartorsiorneqarpoq

Greenland Minerals and Energy paasititsiniutinik DVD-nik 26.000-inik Kalaallit Nunaanni innuttaasunut tunniussuileruttorpoq. Taamatut paasititsiniutinik toqqaannartumik tunioraaneq, Inuit issittormiut Siunnersuisoqatigiiffiannit isornartorsiorneqarpoq.

Kujataani aatsitassanik uuraanitalinnik qalluisoqalissagaluarpat, tamanna aningaasatigut suliffissaqartitsinerullu tungaatigut qanoq iluaqutaatigisinnaanera DVD-mi paasititsiniutigineqarpoq.

- Greenland Minerals and Energykkut paasititsiniaanertik nammineq ingerlappaat, Namminersorlutik Oqartussat paasititsiniaanissaanik periarfissinnagit. Tamannalu paasititsiniaanermi equsoortitsisinnaavoq, Sara Olsvig ICC-mi inuit pisinnaatitaaffii pillugit sulianik ataqatigiissaarisoq oqarpoq.

Inunnut paasititsiniaanneq, pilerisaarinermiit allaanerusoq, Sara Olsvigimit eqqaamaqquneqarpoq.

- Paasititsiniaaneq pilerisaarinerlu assigiinngillat, tamanna aqutsisunit innuttaasunillu eqqaamaneqartariaqarpoq, Sara Olsvig oqarpoq.

Narsami timersoqatigiiffiup Greenland Minerals and Energymit, aningaasatigut tapersersorneqarnera, ICC-mittaaq aamma isornartorsiorneqarpoq.

- Timersoqatigiiffiit suliffeqarfinnit ingerlareersunit, aningaasatigut taperneqartarneri ajunngilaq. Kisiannili apeqqusertariaqarpoq, suliffeqarfissuaq suli politikkikkut ammaassiffigineqarnikuunngitsoq, timersoqatigiiffimmut aningaasaliisuummat. Taamaappat, aalajangiinniarnermi tamanna qanoq sunniuteqassava? Tamanna equsoortitsisinnaavoq, innuttaasut piffimmi aalajangersimasumi sunnerneqareersimappata,ICC-imi inuit pisinnaatitaaffii pillugit sulianik ataqatigiissaarisoq Sara Olsvig, taamak oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat