Assi: KNR

Paasitinneqarsinnaatitaaneq pillugu inatsisip atortussanngortinneqarnissaa IA-p tapersernianngikkaa

Kalaallit oqartussaaffiinut tunngatillugu pisortat ingerlatsinerat pillugu paasitinneqarsinnaatitaaneq pillugu inatsisip atortussanngortinneqarneranut tapersiiniannginnertik Inuit Ataqatigiit nalunaarutigaat.

Partiip siulittaasua Sara Olsvig tusagassiuutinut taama nalunaaruteqarpoq. Paasitinneqarsinnaatitaanerup inatsisip allanngortinneqarneratigut matuunneqarsinnaanera Inuit Ataqatigiit siunnersuut tapersinngilaat:

- Inatsimmi pineqartoq apeqqusernartorpassuaqarpoq annertuumillu atuutsilersinneqarnera Danmarkimi akerlerineqarluni. Sooq inatsit taama mattussitigisoq Nunatsinnut atuutsilissavarput? Sara Olsvig aperivoq.

Kalaallit oqartussaaffiinut tunngatillugu pisortat ingerlatsinerat pillugu paasitinneqarsinnaatitaaneq pillugu inatsisip atortussanngortinneqarnera pillugu Kunngip Peqqusstaanut Namminersorlutik Oqartussat isumaqataanissaat pillugu siunnersuut, Inatsisartut ualeru oqaluuserissavaat.

Naallu inatsisissatut siunnersuut pisortat nunatsinni ingerlataannut tunnganani naalagaaffiup nunatsinni suliffeqarfiutaanut taamaallaat tunngagaluartoq, kalaallit qallunaallu oqartussaqarfiini allagaatinik takunninnissamik assigiimmik periarfissaqassasoq, Inuit Ataqatigiit kissaatigaat.

- Nunatsinni pisortaqarfinnut tamanut, Naalagaaffiup aqutarippagit Nunattaluunniit akisussaaffigippagit assigiimmik innuttaasut paasitinneqarsinnaatitaanikkut pisinnaatitaaffilerlugit suliarissagipput isumaqarpugut, Sara Olsivg allappoq.

Demokraatit aamma siunnersuut qularnartoqartippaat, Folketingilli inatsisaannut ataqqinnillutik angerlutik taasiniarlutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat