Paasissutissiinerlussimaneq kinguneqartariaqarpoq

Nunatsinni ammeriviup Great Greenlandip puisit amiinik Canadameersunik pisisarsimanera pillugu Inatsisartut Aningaasaqarnermut Ataatsimiititaliaat ippassaq immikkut ittumik ataatsimiippoq.

Aningaasaqarnermut Ataatsimiititaliaq naliliivoq pisoq ilungersunartoq pinngitsoorani kinguneqartinneqartariaqartoq, ingammik Great Greenlandip pisortaata Michael Nielsen-ip eqqunngitsumik paasissutissiisimanissaa ilimatsaanneqarmat.

Great Greenlandip pisortaata Michael Nielsen-ip naalakkersuisunut ukiaq septembarimi ilisimatitsissutigisimavaa puisit amii Canadamit pisiarineqartut Sankt Lawrencep kangerliumarnganeersuusut, Sankt Lawrencep kangerliumarngani puisit anaalerlugit toqorarneqartarsimapput.

Great Greenlandip pisortaa ippassigami oqarpoq puisit pineqartut Sankt Lawrencep kangerliumarngani pisaanngitsut.

Tamanna pillugu Michael Nielsenip akerleriinnik paasissutissiinera kinguneqartinneqartariaqarpoq Inatsisartut Aningaasaqarnermut ataatsimiititaliaata siulittaasua Ellen Christoffersen Atassummeersoq oqarpoq.

Naalakkersuisut ippassaq aalajangerput puisit amiinik Canadameersunik pisisarneq unitsinneqassasoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat