Paasissutissat saqqummiussigit
Timmisartorsuup 1968-mi Thulep eqqaani nakkarneranut atatillugu, taamanikkut saleeqataasimasut radiop qinngorneranik ulorianartunik qinngorfigitissimasinnaanerinut paasissutissat tamarmik, Danskit naalakkersuisuisa saqqummiuttariaqaraat, Statsministeriusimasoq Socialdemokratiusoq Poul Nyrup Rasmussen taama isumaqarnerarpoq.
Danskit naalakkersuisui paasissutissanik saqqummiussisariaqarnerannik EU-mi naammagittaalliutinik suliaqartarfimmit peqquneqarput, taamaliunngippatalu EU-mi eqqartuusivimmut sassartinneqarsinnaasut oqaatigineqarluni.
-Tamanna statsministeriunerusimasup socialdemokratineersup Poul Nyrup Rasmussen-ip, nammineq aamma statsminnisteriunermi nalaani paasissutissanii tamanik tunniussuisimanngitsup tapersersorlugu oqarpoq.
Statsminnisteriunerma nalaani paasissutissat tamaasa saqqummiunneqarnissaat kissaatigisimavara, Taamanikkullu taamaaliortoqarsinnaasimanngilaq pingaartumik USA-mi oqartussaasut taamanikkut paasissutissanik saqqummiussaqarusunngimmata.
-Taamanikkullu saleeqataasimasut qinngornernik ulorianartunik qinngorfigitissmasinnaanerinut paasissutissat Amerikamiunit pigineqartut saqqummiunneqanngillat.
-Uangalu isumaqartuarsimavunga saqqummiunneqartariaqartut saleeqataasimasut atugarisaat pitsaanerussappata.
-Sooq nammineq statsminnisteriunermi nalaani tamanik saqqummiussaqarusussimannginneranik aperineqarami Poul Nyrup Rasmussen Danmarks radiop tusagassiortuanut oqarpoq, saqqummissaqarnissani mianersorfigisinnaagaluarlugu, taamaaliorsimallunilu saleeqataasimasut taarsiiffigineqarnissaat pineqalermat.
-Taamanikkut paasissutissanik amerlanernik pissarsinissara neriuutigisimavara, paasissutissanillu allanik peqarpat qaqinneqartariaqarput Poul Nyrup Rasmussen oqarpoq.
