Paasissutissanik atornerluisoqarsimanera Zuckerbergip ajuusaarutigigaa
Facebookimik pilersitsisoq facebookimi nalunaarsuutit atornerlunneqartarsimasut pillugit USA-mi politikerinut utoqqatserpoq.
Allattoq Ritzau
apriilip 11-at 2018 08:17
Nutserisoq Bikki P. Kleist
Kukkuneruvoq kukkunerlu uanniippoq taamaattumik utoqqarpunga, facebookimik pilersitsisoq
Mark Zuckerberg Washingtonimi Senateqarfimmi tusarniaannermi taama oqarpoq
Facebookimik atuisut namminneerlutik paasissutissaataasa atornerlunneqartarnerannut atatillugu app-it tamarmik facebookimut attavillit misissorneqartussanngorput.
Inuit 87 milliuunit facebookimik atuisut paasissutissaataasa suliffeqarfimmit misissueqqissaartarfimmit namminersortumit atorneqartarsimanerannut Facebookip unitsitsinissaminut naammaginartumik iliuuseqartarsimanngilaq.
Tamanna tusarniaanermi paasineqarpoq.
Facebookimilu pisortaanerup, Washingtonimi Senateqarfimmi akunnerni tallimangajanni tusarniaaffigineqarnermini ajuusaarutigalugu oqaatigaa.
/RITZAU/
