Meeqqat kinguaassiuutitigut atornerlunneqartarnerat akiorniarlugu paasisitsiniaaneq, januaari ilanngullugu ingerlanneqartussaq PAARISA-p aqutaanik aallartippoq.
Ukiut ingerlanerini nalunaarusiarpassuit suliarineqartareeraluarput.
Maannali Nalunaarusiap qulequtaqartup "Kalaallit Nunaanni inuusuttut atugaat 2004-ip", Innuttaasut peqqissusiat pillugu Naalagaaffiup Ilisimatusarfiata, PAARISA suleqatigalugu suliaata taama ittumik suliniuteqalerneq taamaalillugu aallartippaat.
Nalunarusiamimi uppernarsarneqarpoq, meeqqat inuusuttullu kinguaassiuutitigut innimiilliorfigineqartarsimasut.
Isornartorsiuiuarnerup kinguneraa, Peqqinnissamut naalakkersuisup, Asii Chemnitz Narup-ip, naalakkersuisut inatsisartullu kimimmagit, meeqqanik kinguaassiuutitigut atornerluisarneq akuersaaginnarneqarsinnaajunnaartoq.
- Naalakkersuisutut pisussaaffigaarput, paqumigisap taassuma oqaloqatigiissutiginissaanut aqqutisiuissalluta, Asii Chemnitz Narup oqarpoq.